Lan Gaua mendi ibilaldia eginen da martxoaren 7an Erratzun

TTIPI-TTAPA 2015ko mar. 4a, 08:24
Xanti Elizagoien eta Xabier Rekarte izanen dituzte gidari gaueko ibiltariek. Utzitako argazkia

Xabier Rekarte erratzuarra eta Xanti Elizagoien etxalartarra izanen dituzte gidari gauez eginen den ibilaldian

Martxoaren 7an, larunbatean, Lan Gaua 3. edizioa burutuko da Erratzun. Bidasoako Kontrabandistak Ibilbidea proiektoaren barruan (info gehiago: www.kontrabandistak.com), diru irabazi asmorik gabe eta XX. mende erdialdeko kontrabandoaren historia ezagutzera eman nahi duen egitasmoa da Lan Gaua: kontrabandista ohi batek gidatutako eta azaldutako gaueko mendi ibilaldia, 3 ordu eta erdiz eta 11 kilometroko luzeran.

Martxoaren 7an, larunbatean, Lan Gaua 3. edizioa burutuko da Erratzun. Bidasoako Kontrabandistak Ibilbidea proiektoaren barruan (info gehiago: www.kontrabandistak.com), diru irabazi asmorik gabe eta XX. mende erdialdeko kontrabandoaren historia ezagutzera eman nahi duen egitasmoa da Lan Gaua: kontrabandista ohi batek gidatutako eta azaldutako gaueko mendi ibilaldia, 3 ordu eta erdiz eta 11 kilometroko luzeran.

Etxalarko eta Oiartzungo edizio arrakastatsuen ondoren, aurtengoa Erratzun izanen da eta ibilbidea herritik Elortako lepoko mugara izanen da, beti bezala martxoko ilargi betearen inguruan. Aurtengo bitxikeria: protagonista Xabier Rekarte izanen da, 38 urteko erratzuarra, 13 urterekin aretxe pasoan hasi zena. Lan horretan Etxalarko Xanti Elizagoein izanen du lagun, lehenengo edizioko protagonista.

Larunbatean 19:30ean egin dute hitzordua frontonean eta 20:00etan hasiko da ibilaldia. Izen-emateko 7 euro ordaindu beharko da. Informazio gehiago 948 450014 edo 659 477396 telefonoetan (Mikel Albisu).

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun