Ortzirale arratsaldeko 4etatik aitzinera Harriondoa Kultur Etxean Foresna Zurgaia Nafarroako Baso Elkarteak eta Nafarroako Gobernuak antolatuta, ‘Baso erronkak Bidasoan’ jardunaldia eginen dute ekainaren 16an, ortzirale arratsaldean Lesakako Harriondoa Kultur Etxean. Aforoarengatik, aitzinetik apuntatzea ezinbertzekoa da, 948 151501 telefonora deituz edo foresna@foresna.org helbidera idatziz.
Bortzirietako Gizarte Zerbitzuen Mankomunitateak antolatu du ortziralean, 18:00etan Beralandetan Errefuxiatuen errealitateaz Gizartea kontzientziatzeko, Bortzirietako Gizarte Zerbitzuen Mankomunitateak ‘Siriako errefuxiatuak’ izeneko hitzaldia antolatu du ekainaren 16rako, Nafarroako Berdintasun Institutuak lagunduta.
Ostiralean 18:00etan hasiko da ikusgarria eta gero ostatua eta afaria izanen da Ekainaren 16 an, ostiralarekin, eskola publikoko haurrek urte bukaerako ikusgarria aurkeztuko dute guraso eta jendeen aurrean. Aurten, eskolako maila guziek eskola denboran zirkoa landu dute kanpoko parte hartzaile batzuen laguntzarekin eta eskolako talde pedagogikoarekin, eta beraz lan honen emaitza taularatuko dute egun horretan.
Ortziralean 20:00etan izanen da Arizkunenean eta Oskar Alegria zuzendariarekin ere solasteko aukera izanen da ‘Emak bakia baita’ filma eskainiko dute ekainaren 16an, ortziralean 20:00etan Elizondoko Arizkunenea Kultur Etxean. Filma ikusi ondotik, Oskar Alegria zuzendariarekin solasteko aukera ere izanen da.
Ortziralean 20:00etan hasita Baztango gazte batzuk Lekarozko kanpuseko Hizkuntza murgiltzen zentroa delakoa okupatu zuten duela aste batzuk eta bertan bizi dira geroztik, zenbait ekitaldi antolatuz. Ekainaren 16an, ortziralean 20:00etan hasita, pizza-pote eta Lear taldearekin kontzertua antolatu dituzte, Abeltegia Bizirik! goiburupean.
Lau saio eginen dituzte martxotik ekainera, Pilar Seminario adituaren eskutik Baztango Udaleko Gizarte Zerbitzuek antolatuta, 0-3 urte bitarteko haurren Guraso Eskola eginen dute. Lau saio eginen dituzte martxotik ekainera, hilabeteko bat, eta izen emateko epea martxoaren 15ean akituko da, Baztango Udaleko 948 580006 telefonora deituz.
Maiatzaren 12tik ekainaren 17ra antolatu dute Leitzako kultur taldeak auzolanean Datozen asteetan kulturaz gozatu nahi duenak izanen du aukera, Leitzako 40. urtez Kultur Aroa antolatu baita. 1978. urtean hasi ziren herrian kultur astea antolatzen ikastolaren inguruan zebiltzan irakasle eta guraso batzuk eta geroztik herritar asko aritu dira Leitzako Kultur Taldean, auzolanean, kultur ekimenak antolatzen. Maiatzaren 12an hasi eta ekainaren 17ra arte luzatuko da Kultur Aroa eta ohikoa denez, hitzaldiak, musika, erakusketak, liburu aurkezpenak... denetarik izanen da.
Ekainaren 22ra bitarte aurkezten ahal dira lanak 2017ko bestetan erabiliko den kartela aukeratzeko lehiaketa antolatu du Iturengo udalak aurten ere. 16 urtetik goitiko edozeinek hartu dezake parte eta ekainaren 22a, ostegun eguerdia izanen da lanak aurkezteko hondar eguna. Irabazleak 100 euro irabaziko ditu.
Ekainaren 2tik 17ra ikusgai dago Arizkunenean Juan Luis Torralba Antxordoki elizondarraren margo erakusketa zabalik dago Elizondoko Arizkunenea Kultur Etxean ekainaren 2tik 17ra. Astegunez 18:00etatik 20:30era eta asteburuetan 11:00etatik 13:30era eta 18:00etatik 20:30era ikusteko aukera izanen da.
Uztailaren 15era arte aurkez daitezke txokoen argazkiak eta 29ra arte bozkatzeko aukera izanen da Arantzako udaleko ingurugiro eta turismo batzordeak, bigarren aldiz, herriko txokorik politena aukeratzeko lehiaketa antolatu du. Lehiaketan parte hartu nahi duenak, etxe edo inguruaren argazkia, Dena edo Apezenea janaridendetan utzi beharko du, uztailaren 15a baino lehen. Aurkeztutako argazkiak jendaurrean egonen dira uztailaren 29a arte.
Aldizkarirako idatziak ere ekainaren 30era arte aurkez daitezke Leitzako Santiburtzioak iragartzen dituen Plazaola aldizkaria prestatzeko garaia ailegatu da eta hori osatzen joateko, martxan da azal lehiaketa. Irabazleentzat sariak izanen dira. 16 urtetik beherakoak opari bat jasoko du eta 16 urtetik gorakoetan irabazle izanen denak, 150 euroko saria. Lanak ekainaren 30a baino lehen aurkeztu beharko dira Maimur liburudendan edo Aurreran.
Pilota partidak eta patata tortilla lehiaketa izanen dira ortzeguneko egun handian Urtero bezala, Bestaberri egunaren inguruan besta egitarau zabala prestatu dute Almandozen. Egun handian, mezaz gain, pilota partidak eta patata tortilla lehiaketa izanen dituzte eta hondar egunean, guztia borobilduz herri kirolak eta magraren zozketa.
Lanak uztailaren 3a baino lehen aurkeztu beharko dituzte Aurten lehenbiziko aldiz, Arantzako bestetako programaren azala edo portada herriko haurren batek egina izanen da, Udaleko Kultura Batzordeak haurrei zuzendutako azal lehiaketa antolatu baitu.
Eskulanak, kontzertua, ipuin topaketa eta bertze hainbat ikusgarri izanen dira ortziralean eta igandean Landagain eskolak, Guraso Elkarteak, udalak eta Altxatak antolatuta, Haurraren Eguna ospatuko da ekainaren 16an eta 18an Etxalarren.
Berdintasun Batzordeak antolatutako ikastaroa doan izanen bada ere, maiatzaren 27a baino lehen eman behar da izena Leitza, Goizueta, Areso eta Aranoko Gizarte Zerbitzuen Mankomunitateko Berdintasun Batzordeak antolatuta autodefentsa feminista tailerra eginen dute ekainaren 16an eta 17an Leitzan, 16 urtetik gorako emakumeei zuzendua.