Goizeko dantza saioen ondotik, arratsaldean dantzaldia izanen da Oharkabe taldearekin Gure Txokoako dantzariekin batera, Lesakako Tantirumairu euskal folklore taldekoak, Altsasukoak eta bertze talderen batekoak izanen dira larunbatean.
Brasilgo Eduardo Fukushimaren konpainiak ‘Título em Suspensao’ aurkeztuko du ekainaren 3an Harriondoan Nafarroako Gobernuko Kulturako Zuzendaritza Nagusiak DNA Dantza Garaikidearen Jaialdiaren edizio berria aurkeztu du. Jaialdiak zuzendaritza artistiko berria estreinatuko du, eta maiatzaren 20tik ekainaren 3ra bitartean eginen da. Bi astez, DNA 2017 jaialdiak 30 aurkezpen publiko hartuko ditu, horietako 15 ikuskizunak, eta Nafarroako bederatzi udalerritako antzokietan eta espazio publikoetan zehar banatuko dira: Iruñea, Barañain, Huarte, Noain, Atarrabia, Lesaka, Agoitz, Altsasu eta Tutera. Modu horretan, Kulturako Zuzendaritza Nagusiak legealdi honetan sustatzen duen lurralde-oreka zaindu nahi da programazioaren barnean. Lesakako emanaldia ekainaren 3an izanen da Harriondoa Kultur Etxean eta Brasilgo Eduardo Fukushimaren konpainiak ‘Título em Suspensao’ aurkeztuko du, ekainaren 3an 20:00etan.
Lau saio eginen dituzte martxotik ekainera, Pilar Seminario adituaren eskutik Baztango Udaleko Gizarte Zerbitzuek antolatuta, 0-3 urte bitarteko haurren Guraso Eskola eginen dute. Lau saio eginen dituzte martxotik ekainera, hilabeteko bat, eta izen emateko epea martxoaren 15ean akituko da, Baztango Udaleko 948 580006 telefonora deituz.
Parte hartzeko izen ematea apirilaren 20tik ekainaren 5era ireki da Berroeta-Abartan-Saioa mendi lasterketa antolatu du lehen aldiz Berroetako herriak, Baztango Udalaren eta Basaburua Kirol Taldearen laguntzaz ekainaren 18an. Izen emateko epea apirilaren 20tik ekainaren 5era ireki da.
Maiatzaren 12tik ekainaren 17ra antolatu dute Leitzako kultur taldeak auzolanean Datozen asteetan kulturaz gozatu nahi duenak izanen du aukera, Leitzako 40. urtez Kultur Aroa antolatu baita. 1978. urtean hasi ziren herrian kultur astea antolatzen ikastolaren inguruan zebiltzan irakasle eta guraso batzuk eta geroztik herritar asko aritu dira Leitzako Kultur Taldean, auzolanean, kultur ekimenak antolatzen. Maiatzaren 12an hasi eta ekainaren 17ra arte luzatuko da Kultur Aroa eta ohikoa denez, hitzaldiak, musika, erakusketak, liburu aurkezpenak... denetarik izanen da.
Abuztuaren 19an ospatuko den jaialdia iragartzeko lanak ekainaren 4eko gauerdia baino lehen aurkeztu behar dira Arantzako Gazte Asanblada urteko bere ekitaldi nagusienetako bat antolatzen ari da. Arantza Rock abuztuaren 19an izanen da eta eguna iragartzeko kartel lehiaketa antolatu du aurten ere. Lanak aurkezteko epea, ekainaren 4ko 23:59 arte irekia dago.
Ortziralean 18:00etan eginen da inaugurazio ekitaldia, eta Max sarietarako dantzari bakarlari gisa hautagai den Martxel Rodriguez dantzariak, Tantirumairu ikastolako ikasle ohiak pieza bat eskainiko du Belaunaldi ezberdinetako punta-puntako 70 artista inguru elkartu ditu aurtengo Nafarroa Oinezen Artea Oinez ekimenak. Izan ere, 60ko hamarkadan Gaur taldeko kide ziren Nestor Basterretxea, Jose Antonio Sistiaga edo Jose Luis Zumetaren lanetatik hasi eta gaur egungo euskal artista berrienetarainoko ibilbide oparoa egiten du erakusketak. Horien artean anitz dira izen ezagunak.
Axuri’arte galeria egunero idekia izanen da goiz eta arratsaldez Maiatzaren 20tik ekainaren 5era, Axuri’arte galerian Francine Bonnefis-en arkatzezko marrazkiak erakusgai izanen dira. Galeria egunero idekia da goizeko 10etatik eguerdi arte eta arratsaldean 3,30etatik 7ak arte.
Ekainaren 22ra bitarte aurkezten ahal dira lanak 2017ko bestetan erabiliko den kartela aukeratzeko lehiaketa antolatu du Iturengo udalak aurten ere. 16 urtetik goitiko edozeinek hartu dezake parte eta ekainaren 22a, ostegun eguerdia izanen da lanak aurkezteko hondar eguna. Irabazleak 100 euro irabaziko ditu.
Ortziralean mus txapelketa eta larunbatean, eskubaloi partidak eta herri afaria izanen dira protagonista Doneztebeko Erreka Kirol Elkarteak, denboraldia behar bezala akitzeko bere urteko besta nagusia antolatu du, Udalaren eta Gazte Burrunbaren laguntzaz. Ortziralerako eta larunbaterako hainbat ekitaldi antolatu ditu, XI. Errekaren Egunean.
Ekainaren 2tik 17ra ikusgai dago Arizkunenean Juan Luis Torralba Antxordoki elizondarraren margo erakusketa zabalik dago Elizondoko Arizkunenea Kultur Etxean ekainaren 2tik 17ra. Astegunez 18:00etatik 20:30era eta asteburuetan 11:00etatik 13:30era eta 18:00etatik 20:30era ikusteko aukera izanen da.
Larunbateaan, lehen aldiz, Etxalarko ardi zakur lehiaketa eginen dute Ekainaren 4an ospatuko da Etxalarko Gasna Feriaren 25. edizioa eta egun horretarako prestaketa lanetan hasia da Altxata elkartea. Gasna lehiaketa eguerdian eginen da eta gasnagileei parte hartzeko gonbidapena luzatu zaie.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |