Lesakako Osasun Zentroak antolatu du Beralandetan Menopausia eta klimaterioari buruzko tailerra antolatu du Lesakako Osasun Zentroak. Apirilaren 6an eginen dute Beralandetan, ortzegunean 11:00etatik 12:30era. Osasun Zentroko langileek emanen dute.
Lanak apirilaren 7ra bitarte aurkez daitezke eta herri bozketaren bidez aukeratuko dira irabazleak Lesakako Udalak, 2017ko Sanferminetako programaren azala eta bestak iragarriko dituen kartela aukeratzeko lehiaketa deitu du, Lesakan jaio edota bertan bizi direnentzat. Lanak udal bulegoetan aurkezteko epea apirilaren 7ko 13:00etan akautuko da, lehiaketa hauetan ohikoa den sistema erabiliz.
Lau saio eginen dituzte martxotik ekainera, Pilar Seminario adituaren eskutik Baztango Udaleko Gizarte Zerbitzuek antolatuta, 0-3 urte bitarteko haurren Guraso Eskola eginen dute. Lau saio eginen dituzte martxotik ekainera, hilabeteko bat, eta izen emateko epea martxoaren 15ean akituko da, Baztango Udaleko 948 580006 telefonora deituz.
Apirilaren 1ean eta 8an eskainiko dute Arizkunenean eta martxoaren 27ra bitarte apunta daiteke Emakumeendako autodefentsa feminista tailerra eginen dute apirilaren 1ean eta 8an, larunbatetan 09:30etik 13:30era (guztira 8 orduko tailerra) Arizkunenea Kultur Etxean. Baztango Bilgune Feministak antolatu du tailerrak, Baztango Udalaren laguntzaz eta izen ematea martxoaren 27a baino lehen egin behar da 650 729639 telefonora watsapa edo mezua bidaliz edo ba2feminista@baztan.eus helbide elektronikora idatziz.
Apirilaren 6an solasaldia eskainiko dute Nafarroako Esklerosi Anizkoitzaren Elkarteko bi fisioterapeutek ‘Esklerosi anizkoitza, bi begirada, errealitate bat’ argazki erakusketa ikusgai izanen da Elizondoko Arizkunenea Kultur Etxeko erakusketa gelan apirilaren 3tik 7ra, astelehenetik ortziralera 17:00etatik 20:00etara. Nafarroako Esklerosi Anizkoitzaren Elkarteak antolatu du erakusketa.
Ortzegunean arratseko 8etan Kataku Herri Ostatuan Askapena, Euskal Herriko Erakunde Internazionalista 30. Urteurrena ospatzen ari da. Ospakizuna lanean, ordea, eta ‘Borrokak uztartzen’ izenburupean brigaden aurkezpenak egiten ari da Nafarroako Askapena herriz herri. Apirilaren 6an, ortzegunean 20:00etan Palestinako brigaden aurkezpena eginen dute Berako Kataku Herri Ostatuan.