Ortziralean 17:00etan Baskulan ariko dira solasean energia %100 berriztagarria merkaturatzen duen kooperatibako kideak Bazkideen artean energia %100 berriztagarria merkaturatzen duen irabazi asmorik gabeko kooperatiba hiritarra da Goiener. 2011n sortu zen Goierrin (Gipuzkoa), energia berriztagarrien erabilera sustatu eta energiaren kontsumo arduratsua bideratzeko. Bada otsailaren 17an, ortziralarekin, Arantzako Udalak gonbidatuta, Goienerreko kideek hitzaldia eskainiko dute Baskulan, 17:00etan.
Rafa Rodrigo irundarraren eskutik ortziralean 18:30ean liburutegian ‘Jolas gaitezen argiarekin’ izenburupean, lightpainting tailerra eskainiko du Rafa Rodrigok (Irun, 1972) otsailaren 17an, ortzirale arratsaldeko 6:30etik aitzinera, Berako Herri Liburutegian, 8 eta 16 urte bitarteko neska-mutikoei zuzendua.
Otsailaren 17an, ortzirale gauez Txokobia etxean Heldu den otsailaren 17an, ortzirale gauez, presoen aldeko bertso afaria eginen da Sarako Xokobia etxean. Gaualdi horretan Lapurdiko Sustrai Colina eta Gipuzkoako Jon Maia bertsolariak entzuten ahalko dira. Izena emateko 0658519439 edo 0621341685 zenbakietara deitu behar da, afarirako txartela 20 eurotan da.
Ortziralean arratseko 8 :30ean, 15 urtez goitikoei zuzendua Atx Teatroa antzerki taldeak Fakiu antzezlana eskainiko du otsailaren 17an, ortziralean 20:30ean Senpereko Larreko gelan. 15 urtetik goitikoei zuzendutako emanaldia Larreko gelak antoaltu du, Euskal Kultur Erakundearekin elkarlanean. Sarrerak Larreko gelan berean salgai izanen dira.
Ortziralean 23:00etan ZubiPunta ostatuan Erratzuko ZubiPunta ostatuan kontzertua eskainiko du Patxuko Nice musika taldeak otsailaren 17an, ortziralean 23:00etan.
Gizarte Zerbitzuen Mankomunitateak eta Berako Goldatz emakume feminista taldeak antolatuta Martxoren 8ko Emakume Langilearen Nazioarteko Egunaren harira hainbat ekitaldi antolatu dituzte Bortzirietako Gizarte Zerbitzuen Mankomunitateak eta Berako Goldatz Emakume Feminista Taldeak.
Ortzirale arratsaldean egin zuten inaugurazioa Taupadak gunean eta margolariarekin egoteko aukera izan zen Juanjo Etxabeguren (Irun, 1959) margolariaren erakusketa zabalik da Lesakako Taupadak arte eta artisautzaren gunean otsailaren 10etik martxoaren 12ra. Bihotzkada Kolektiboak antolatutako erakusketaren inaugurazioa otsailaren 10ean egin zuten, margolaria bertan zela.
Bildotsa eta ardo lotea zozketatzeaz gain, bingoa ere izanen dute larunbat arratsean Igantziko inauteriak ospatuko dituzte ortzirale eta larunbat honetan. Gazteek auzoz auzo eta baserriz baserri ibiliko dira bi egunetan, bidenabarkoak larunbat arratsean zozketatuko dituzten bildotsa eta ardo loterako boletoak salduz. Aurten, Guraso Elkarteak ere afaria antolatu du larunbat arratserako.